Ostalaritzako eta gau aisialdiko neurri murriztaileak bertan behera utziko dituzte astelehenetik aurrera. Hala jakinarazi zien Nafarroako Gobernuak ostalaritza elkarteei, atzo egindako bileran, betiere elkarteotako ordezkariek hedabideei azaldutakoaren arabera. Xehetasunak gaur eguerdian ezagutuko dira, Nafarroako Gobernuak asteazkenero egiten duen bilkuraren ondoko agerraldian.
Beraz, astelehenetik aurrera covid ziurtagiria ez da beharrezkoa izanen jatetxeetan, dantzalekuetan edo festa aretoetan sartzeko, ezta orain arte eskatzen zen gainontzeko lekuetan ere. Halaber, gau aisialdiko lokalek haien ohiko ordutegiak berreskuratuko dituzte, ez dute itxi beharko 1:00tik 6:00etara. ETa barran kontsumitzerik izanen da.
