Bi botoak ezinbestekoak dira Pedro Sanchezen Gobernuak araudi berria baliozkotzeko. Biek ala biek jarri dute zalantzan; hala eta guztiz ere, biek baieztatu dute alderdiaren diziplina errespetatuko dutela eta baiezkoa bozkatuko dutela. Sayas izan da kritikoena: “Asko kostatzen zait nire boto-emaileen aurrean babesten ez dudan erabakia defendatzea". UPNk PPrekin eta Ciudadanosekin sinatu zuen Navarra Suma koalizioaren zerrendaburua izan zen Sayas, Javier Esparzaren hautagaitzaren aurrean.
Alderdiaren atzoko bileran UPNren botoa erabakigarria bazen, "garrantzizko zerbaiten truke" eman beharko litzatekeela iritzi diote. Kexu agertu zira UPNko presidenteak, Javier Esparzak, ez duelako horri buruz ezer esan eta alderdiko bi diputatuekin hitz egin ere ez duelako egin. Gaineratu duenez, "Pedro Sanchez ez da fidatzekoa", eta horren erakusgarri da "bazkideen aurkako botoa, ez baitu bete".
