Euskararen Legea du oinarri Nafarroako Gobernuak sindikatuei aurkeztu dien dekretuak, eta Euskaltzaindiak ez du bat egiten legearekin, diskriminatzailea delako. Euskararen ofizialtasun osoa defendatzen du Akademiak, eta ofizialtasunak bestelako neurriak eskatuko lituzkeela uste du.
Euskaltzaindiaren iritziz, ezin da zonaldeen banaketa erabili eskubide batzuk edo besteak aitortzeko edo ez. “Errealitatea da egun euskarak Nafarroa osoan duela presentzia, eta euskaraz ikasi nahi duen eta erabili nahi duen jendea badela Nafarroa Garaia guztian”, azaldu du Alemanek.
Sustapenetik oraindik ez dute erantzun ofizialik landu. Nafarroako Kontseiluaren parte da Euskaltzaindia, bertan emanen dute iritzia eta hartuko dituzte erabakiak. Funtzio Publikoko Mahaiko sindikatuek bi aste dituzte alegazioak aurkezteko. Gobernuak horiek aztertu ondoren bidaliko dute testua Nafarroako Kontseilura, honek iritzia eman dezan.
