San Frantzisko eskola, Amaiur, Sanduzelai edo ta Bernart Etxepare ikastetxeetako gurasoak elkartu dira Eskola egitasmoan, eskola jardunaldiaren gaineko eztabaidan interes kolektiboak defendatzeko. Hezkuntza Departamentuari jardunaldi jarraituaren ondorioak aztertu ditzala eskatu diote, bestelako prozesurik abiatu aurretik.
"Pasa den udazkeneko prozesuak ez ziren gardenak izan kasu askotan eta ez zen benetazko eztabaidarik eman ikastetexeetan" azaldu du Euskalerria Irratian Nerea Val, Eskola taldeko kideak, "Horrelako erabaki batek behar duen patxadarik gabe, informaziorik gabe eman zen eztabaida, interes partikularrak, komunitatearen beharrei gailenduz". Eskola taldeak bilera eskatu dio hezkuntza departamentuari gaia jorratzeko eta erabakia ez dezan familien bizkar jarri. "Hezkuntza publikoaren berdintasuna bermatu behar da eta geroz eta arrakala gehiago ari dira zabaltzen" azaldu du Nereak, "Bitxia da eredu publikoan jardunaldi jarraitua zabaltzen ari den bitartean, itunpekoak jardunaldi zatituari eusten diola".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!