Raul Lopez (Steilas): "Ikasleen %60 euskara ikastetik kanpo utzi nahi ditu Gimenok"

Steilas sindikatua Hezkuntza Itun Sozial berria sortzeko mahaitik altxatu da. Departamentua legea urratzen ari dela salatu dute, eta berrian euskara kontuan hartuko ez duela: "Ez gaude prest memelokerietan ibiltzeko".

Steilas sindikatuak ez du parte hartuko Nafarroako Hezkuntza Itun Sozial berrian, hala erabaki du sindikatuak leheneNgo dokumentuak aztertu ondoren. 

PSNk euskarazko hezkuntza eskaintza mugatu eta oztopatzen jarraitzen duela azaldu du Euskalerria Irratian Raul Lopez sindikatuko kideak, "Iruñeko Udalean UPNren eta PSNren arteko elkarlanarekin gertatzen den bezala". "PAI bultzatzen du, ingeleseko programak existitzen ez ziren etapetara zabalduz", gaineratu du. "Ikasleen %60 euskara ikastetik kanpo" utziko dituztela ohartarazi du. 

Sindikatuak uste du Nafarroako hezkuntza-sistemak ez duela dokumentu berririk behar, baizik eta indarrean dagoen ituna bete dadila. Orain urratzen ari direlako: "Ordezkapenak lehenengo egunetik ez dira betetzen, jardunaldi partzialak ez dira osoak bilakatu eta interinitate tasa izugarria da".