Aroztegiako obrak gelditzeagatik deklaratu dute Baztango sei bizilagunek

Herritar eta eragile ezberdinen babes txaloen artean sartu dira epaitegietara, pasa den udaberrian Aroztegiako proiektua gelditzeko protestetan parte hartzeagatik identifikatutako Baztango sei bizilagunek.

"Herri baten borondatea ezin da epaitu" pankarta zabaldu dute Iruñeko epaitegien atarian, gaur Aroztegiako proiektuaren kontra diren Baztango bizilagunei babesa erakustera azaldu direnek. Azaldu dutenez, golf zelai eta etxebizitzen proiektuko sustatzaileek epaitegiak erabiltzen dituzte behin eta berriz herri ahotsa eta erabakia isildu eta ezabatzeko asmoz. Nafarroako Gobernuari, Aroztegiko PSIS-a erretiratzea eskatu diote, Baztango herritarrek adierazitakoa errespetatuz.

Une hoentan geldirik dira Aroztegiako makroproiektuko obrak.