Murrizketak beste bi astez luzatzea aztertzen ari da Nafarroako Gobernua

Euskalerria Irratia 2022ko urt. 26a, 07:51
Deskargatu Info Ahotsak :

Nafarroako Jauregia, artxiboko irudi batean.

Erabakia gaur goizeko gobernu bilkuran hartuko dute. Erietxeetako egoera aipatzen dute murrizketak luzatzeko arrazoi nagusi gisa. Uneotan 281 ospitaleratu daude, eta seigarren olatuko kopururik altuena da hori.

Indarrean dauden koronabirusaren aurkako neurriak hilaren 31n iraungiko dira. Nafarroako Gobernuak gaur goizeko bilkuran erabakiko du horiek luzatu ala ez. Itxura guztien arabera, erabakia horiek luzatzea izanen da, erietxeetako egoera ikusirik.

Izan ere, uneotan 281 lagun daude ospitaleraturik covid 19a dela kausa, eta hori seigarren olatuko kopururik altuena da. Horietatik 32 Zainketa Intentsiboetako Unitateetan daude. Hor jaitsiera txiki bat izan da.

Ezin atzendu, halaber, atzo bertan lau lagun zendu zirela covid emeretziarekin Nafarroa Garaian, eta azken asteotako batez bestekoa 27koa izaten ari dela. Esan gabe doa kutsatze datuak hobeak direla, hiru astez jarraian jaitsi baitira.

Egun indarrean dauden neurri murriztaileak bi dira: ostalaritza itxita egon behar da goizaldeko ordu batetik seietara, eta tabernetan ezin da barran kontsumitu.

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea