Pertsona bat hil da Iraizozko etxe batean piztutako sutean

Euskalerria Irratia 2022ko urt. 24a, 13:28
Argazkia: Foruzaingoa

Beste pertsona bat ospitalera eraman dute zauriturik, Nafarroako Gobernuak jakitera eman duenez. Suhiltzaileak sutea itzaltzen ari dira.

Iraizozeko bizilagunek SOS Nafarroa zerbitzuko 112 telefonora deitu dute 10:46an, herriaren sarreran zegoen etxebizitza batetik kea ateratzen ari zela eta, antza denez, barruan bi pertsona zeudela jakinarazteko.

Cordovillako eta Trinitateen parkeetako suhiltzaileak bertaratu dira. Bizilagunetako bat, elbarria, Nafarroako Unibertsitate Ospitalera eraman dute anbulantzia medikalizatu batean. Bigarren bizilaguna, mugikortasun urritukoa eta 82 urtekoa, hil egin da. 

Lehen zantzuen arabera, sutearen jatorria etxeko sukaldean egon daiteke, gobernuak zehaztu duenez.

Suhiltzaileak bertan daude, sutea itzaltzen. Kalte handiak jasan ditu etxebizitzak, teilatuaren zati batean hondoratu da. Ultzamako osasun-zentroko mediku-taldea eta Foruzaingoko eta Guardia Zibileko patruilak bertaratu dira.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!