Joan den ostiralera arte, norberaren etxean egindako antigeno test batean positibo ematea aski zen baja hartu ahal izateko. Aski zen osasun etxera deitzea eta horren berri ematea. Ostiralean, ordea, Nafarroako Gobernuak protokoloa aldatu zuen. Ordutik, bigarren autotest bat egin beharra dago, bigarren kasu horretan, osasun langile baten aitzinean. Hori egiteko bi aukera daude: osasun etxean egitea edo Foremen. Non egin behar den jakiteko, osasun etxera deitu beharra dago. Prozedura horren ondorioz, hainbat kutsatuk Iruñea zeharkatu behar izaten dute, baja hartu ahal izateko.
Baja jaso ahal izateko, antigeno testa osasun langile baten aitzinean egin beharra dago
Iragan ostiralean aldatu zuten protokoloa. Orain, osasun etxe batean edo Foremen egin behar da auto-testa, profesional baten aitzinean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
