Koronabirusaren intzidentziak behartuta aldaketak egin beharko ditu Jagoba Arrasatek Vigoko Celtaren aurkako partiduan. Izan ere igandean jakin izan zen David Garciak eta Unai Garciak positibo eman zutela COVID-19an eta beraz asteburua arte ez dira hautagarri izango Berriatuako entrenatzailearentzat. Haien ordezkoetako bat izango da Unai Dufur gaztea.
Beraz, aurreikusi liteke Juan Cruz harekin ibiltzea atzeko lerroan. Dufur harrobiko jokalariarekin batera, azken unea arte zalantza izan diren Lucas Torro eta Kike Garcia sartu dira deialdian. Lehenak saihetsetan haustura txikia du eta Mantxako aurrelaria aldiz atzo hasi zen Cadizen aurkako partidan jasandako sudurreko hezurren haustura dela eta, aurpegia babesteko maska erabiltzen.
Espedizioaren beste berrikuntza Jagoba Arrasate entrenatzailearen itzulera izango da, aurreko hiru partiduak galdu baitzituen koronabirusa dela eta.
