Lan erreformak Nafarroako gehiengo sindikala aintzat hartzen ez duela salatu dute EH Bilduk eta Geroa Baik

Euskalerria Irratia 2022ko urt. 17a, 11:12
Geroa Baiko Uxue Barkos eta PSNko Ramon Alzorriz, Nafarroako Parlamentuan. Argazkia: Nafarroako Parlamentua.

Alderdi sozialistak aurkeztutako mozioa eztabaidatuko dute ostegunean, ganberak Espainiak patronalekin eta CCOO eta UGT sindikatuekin adostutako lan erreforma babestu dezan.

EH Bilduk uste du huts egin duela PSNk mozioa Nafarroa aurkezterakoan, eskuinaren babesarekin onartuko duelako, onartzekotan, mozioa. “Lan erreformaren alde bozkatzea, alderdi popularraren erreformaren %90aren alde bozkatzea da”, argudiatu du alderdi independentistatako Bakartxo Ruizek.

Geroa Baiko Uxue Barkosek argi adierazi du koalizioaren jarrera: “Lan erreformak ez ditu aintzat hartzen Nafarroako gehiengo sindikalak eta erreformaren eraldaketa honek ez ditu zuzentzen Rajoiren politikak. Geroa Baik ez du alde bozkatuko”.

PSNko Inma Juriok akordioa defendatu du gaur Nafarroako Parlamentuko Mahai eta Eledunen batzordearen ondoren egindako adierazpenetan. “Motz geratzen dela uste duten horiek argi izan behar dute ez onartzeak PPrenarekin jarraitzea esan nahi duela”, ohartarazi die.

Navarra Sumako Jose Suarezek alderdi popularraren lan erreforma defendatu du, eta ez du argitu alde edo kontra bozkatuko duten osteguneko osoko bilkuran. Aste honetan hartuko dute erabakia.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!