Hizkuntzek onurak dakartzate. Baita euskarak ere. Hori eman nahi die ezagutzera familiei Nafarroako Gobernuak. Euskeraren eta bere ikasketaren aldeko testuinguru bat sortzea du helburu “Euskararekin, gora eta gora beti!” kanpaina.
Kanpaina urtarrilaren bigarren hamabostaldian garatuko da eta adin txikiko seme-alabak dituzten familia nafarrengana zuzenduta dago. Euskararen berreskurapen soziala belaunaldi berrien artean gauzatzen ari dela adierazi du Ana Ollo Herritarrekiko harremanetarako kontseilaria.
Kanpaina legealdi honetako akordio-programaren esparruan kokatzen da, “euskal hiztunen kopurua hedatzea eta euskararen irudia eta ospea hobetzea” helburutzat duen II. Plan estrategikoaren baitan. Euskarabideatik azaldu dutenez, aurki onartuko dute plan estrategikoa.