Nafarroako egoitza eta erresidentzien %72a kudeaketa pribatuaren menpe dago eta funts putreen esku hartzea geroz eta handiagoa da. Salaketa Comisiones Obreras sindikatuak egin du, lan baldintza eta zerbitzuaren kalitatean dituen ondorioetaz ohartarazpena egitearekin batera.
" Ezin dugu onartu, Nafarroako aurrekontu publikoen laguntza duten egoitzen kudeaketa, paradisu fiskaletan egoitza duten enpresen esku uztea" salatu du Euskalerria Irratian Joseba Ezeolazak, politika sozialetarako CCOO sindikatuko arduradunak, "Etekin ekonomikoak bilatzen dituzten enpresa putreak dira". Ezeolazak, dei berezia egin dio Nafarroako Gobernuari, kontratuen legea eskutan, funts putreak kontzesio publikoetatik at geratu daitezen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.