Atzo 18:19an SOS Nafarroako 112 telefonoan jasotako dei baten arabera, Kalbarioko Erreka buxatzeak ur-korrontea plaza zaharrera desbideratzea eragin zuen. Uraren indarrak etxebizitza multzo bat dagoen lurra arrastaka eraman du, eta zimenduetara iritsi da. Hori dela eta, une horretan eraikinean zeuden pertsonak prebentzioz hustu behar izan dituzte. Errekak ohi baino emari handiagoa du, azken orduetan izandako euriteen ondorioz, Nafarroako Gobernuak jakinarazi duenez.
Oronozko parkeko suhiltzaileek eta Berako suhiltzaile boluntarioek, foruzainekin batera, maizterren hustea zuzendu dute, eta Babes Zibileko Zerbitzua senideen edo lagunen etxeetan ostatua bilatzen ari da. Doneztebeko aterpetxea ere prestatu dute, behar dutenak hartzeko. Herrizaingo Saileko zuzendari nagusi Amparo López Antelok Babes Zibileko egoitzatik jarraitzen du, zerbitzuaren arduradun José Javier Boulandierrekin, gertaeren nondik norakoak azaltzeko.
Arkitekto batek eraikinen egoera ikuskatuko du, erortzeko arriskua dagoen zehazteko eta neurri egokiak hartzeko. Bertan dago Aitor Elexpuru Berako alkatea, herriko Udaleko beste kide batzuekin batera.
Berako 24 familia etxetik atera behar izan dituzte, erreka batek gainezka egin eta zulo handia eragin duelako
Berako Plaza Zaharreko 24 etxebizitza hustu behar izan dituzte. Erreka buxatu egin da, ura desbideratu da eta zulo handi bat eragin du. Horrek guztiak eraikinaren zimenduak kaltetu izanaren beldur dira. Arriskurik dagoen baloratzen duten bitartean, bizilagunek etxetik at pasa behar izan dute gaua. Doneztebeko aterpea egokitu dute horretarako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
