Foruzaingoa emakume baten heriotza ikertzen ari da Tuteran. Gorpua bere etxean aurkitu dute, asteleheneko 10:30ak aldera, polizia-iturriek Efe albiste-agentziari jakinarazi diotenez.
Hori dela eta gertakaria ustezko indarkeria matxistako krimen gisa ikertzen ari dira. Biktima 38 urteko eta Cortesen jaiotako emakume bat izan da.
Tuterako Instrukzioko 1 zenbakiko Epaitegiak zuzentzen du Foruzaingoaren Polizia Judizialeko agenteek egiten duten ikerketa. Egiten ari diren ikerketa nagusien artean dago senarra bilatzea, hilketarekin zerikusia duelakoan, izan ere ez baitakite non dagoen.
Sare sozialetan dagoeneko gertakaria gogor salatu dute hainbat eragile eta herritarrek. Tartean gogor jo du gertakariaren aurka EH Bilduko parlamentari den Patricia Peralesek: «Beste emakume bat eraila izan da! Amorrua eta asperraldia. Nire babes osoa familiari eta ingurukoei».
!Otra mujer asesinada!
— Patricia Perales Hurtado (@patriciaioar) January 10, 2022
Hartazgo y rabia.
Todo mi apoyo a la familia y personas allegadas.#askida #BastaYA https://t.co/bfwNYIXPwW
Erailketa matxista izan dela baieztatzekotan urteko lehena litzateke Nafarroan.