"Egoera konplikatzen hasi da ospitaletan" azaldu du Maria Txibite presidenteak, "Egungo aldaera horren gogorra izan ez arren, kasu asko izaten ari gara eta azkenean somatzen ari da osasun arloan. Nafarroako presidenteak adierazitakoaren arabera, Nafarroako Gobernuak luzatu eginen ditu gabon egunetarako indarrean jarritako murrizketak. "Neurriak ezarri genituenean baino egoera okerragoan gaude, beraz aztertu beharko dugu hemendik aurrera ze neurri hartu" ohartarazi du presidenteak."Aste hau erabakiorra izanen da, olatuaren goikaldera iritsi garen ikusi edo ta normaltasunaren itzulerarekin batera, kutsaketak are gehiago hedatzen diren ikusteko" aipatu du Txibitek.
Azken egunean, 2.200 koronbairus kasu atzeman dira Nafarroa osoan. 25 pertsona ospitaleratu eta asteburua izanik soilik bi sendagiri eman ziren. Bi pertsona zendu ziren gaitzarekin edo gaitzaren ondorioz. Gauzak horrela, dagoeneko, 250 pertsona daude ingresatuta, horietatik 31 Zainketa Intentsiboetako Unitatean larri.