Nafarroako Unibertsitate Publikoak ikasteka eta plaza eskaintzak zabalduko ditu. Gaur iragarri dute Datuen Zientziako eta Bioteknologiako Gradu Bikoitza eskainiko dutela eta gainera ikasle berrientzako 81 plaza gehiago eskainiko dituztela. Modu honetan ikasketa lerroen eskaintza honakoa izango da helduden ikasturtetik aurrera: 25 graduen eta 7 gradu bikoitz.
Gaur egun "datu masiboen analisia eta datu-meatzaritza diziplina horretarako oso tresna erabilgarriak direla jakinik" erabaki du Unibertsitateak ikasketa gradu hori eskaintzea. 10 ikaslek izanen dute aukera lehendabiziko urtean matrikulatzeko eta bost urte eta erdian amaituko dituzte ikasketak.
Honako ikasketa eskaintzan handituko du NUPek plaza kopurua: EAZ Gradua (160 ikaspostu izatetik 168 izatera pasatuko da), Industria Teknologien Ingeniaritzako Gradua (110etik 115era), Industria Teknologien Ingeniaritzako Graduaren nazioarteko programa (40tik 45era), Haur Hezkuntzako Irakasletzako Gradua (85etik 91ra), Lehen Hezkuntzako Irakasletzako Gradua (135etik 148ra), Gizarte Laneko Gradua (110etik 121era), Zuzenbideko Gradua (90etik 98ra), EAZko eta Zuzenbideko Gradu Bikoitza (25etik 30era), EAZko eta Ekonomiako Gradu Bikoitzaren nazioarteko programa (25etik 27ra) eta Haur Hezkuntzako eta Lehen Hezkuntzako Irakasletzako Gradu Bikoitza (25etik 33ra).