Trantsizio-energetikoaren plana ardatz duen webgunea aurkeztu du Nafarroako Gobernuak. Mikel Irujo kontseilariak Foru Erkidegoko Plan Energetikoaren karietara emandako urrats berria aurkeztu du. Atari berriak, besteak beste, auto elektrikoak kargatzeko guneen kokapenaren berri emango du.
Bertan ere, Nafarroako energia-fluxuak erakusten dira, ekoizpenetik kontsumoraino, 2011tik serie historiko batekin, eta horrek Foru Erkidegoa aitzindari bihurtzen du horrelako datuak emateko orduan.
Ekonomia eta Enpresa Garapenerako kontseilariak aurkezpenean nabarmendu duenez, atari hau "gardentasun-ariketa bat da", eta "energia herritarrei hurbiltzea du helburu". Gainera, adierazi du "herritarrek aktiboki parte hartu behar dutela trantsizio energetikoan", eta horregatik dela "garrantzitsua erakundeok datu horiek modu ulergarrian ematea".
Atariak datuak bistaratzeko teknologia bat erabiltzen du, eta, horri esker, erabiltzaileak informazio guztia iragazi dezake hainbat hautatzaileren bidez; horrek esan nahi du datuen analisia ulergarriagoa dela. Lursarea-NASUVINSA Lurraldearen eta Iraunkortasunaren Nafarroako Agentziak garatu du, Ekonomiaren eta Enpresen Garapeneko Departamentuak eskatuta.
