Berriozarko lotuneko obrak abenduaren erdialdean hasiko dira, 40.000 ibilgailu igarotzen diren eremuaern segurtasuna hobetzeko. Lurralde Kohesiorako Sailak, Herri Lan eta Azpiegituren Zuzendaritza Nagusiaren bitartez, Obras Especiales Edificación e Infraestructuras SAU enpresari esleitu dizkio lanak, 1.214.342,27 euroan (BEZa barne).
Aurreikusten dute semaforoz erregulatutako biribilgune bat egitea eta hirugarren errei batekin handitzea PA-30eko irteera, barruko mugimenduak errazteko eta edukiera handitzeko. Esku-hartzeak, gainera, ondoko Artiberri-Nuevo Artica biribilgunean semaforoa jartzea eta bi elkarguneen arteko tartea aldatzea aurreikusten du, baita Berriozarko biribilgunearen eta PA-34koaren arteko lotunea ere.
Berriozarko korapiloa Nafarroako garrantzitsuenetakoa da trafikoari dagokionez, esan bezala egunean 40.000 ibilgailu baino gehiago erregistratzen baititu. Iruñerriko trafikoarentzako berebiziko garrantzia duten bi bideen elkargunea da: iparraldeko erronda (PA-30) eta Gipuzkoa etorbidea, Berriozarreko sarrera nagusia eta Iruñeko irteeretako bat. Gaur egun, zirkulazioaren kalitatean arazoak ditu, eta pilaketa handiak izaten dira puntako orduetan.