Sergio Sayas: “ETBren bitartez burmuinak ‘reseteatu’ nahi dituzte”

Sergio Sayas diputatu erregionalista atzo, Kongresuan, ETB3z hizketan. (Argazkia: Espainiako DIputatuen Kongresua)

EH Bilduk Espainiako Gobernuaren aurrekontuen alde bozkatuko du, besteak beste, ETB3 Nafarroa osoan ikustearen truke.

EH Bilduk Pedro Sanchezen aurrekontuen alde bozkatuko du, bigarren urtez jarraian. Hala jakinarazi zuen atzo koalizio independentistak, mahai politikoaren bileraren ondotik.

EH Bilduk Espainniako Aurrekontu Nagusiak sustengatzearen lortu dituenen artean daude ezkutu sozialeko legea behin betirako izatea, ordezko etxebizitzarik gabeko etxe kaleratzeak bertan behera uztea eta amiantoaren biktimentzako kalte ordainetarako 25 milioi euro. Nafarroari dagokionez, lorpen nagusiak bi dira: 500.000 euro Lesakako saihesbiderako eta ETB3 Nafarroa Garai osoan ikusi ahal izatea.

EITBren haurrentzako kanala lurreko telebista deigitalaren bitartez jada ikusgai da foru erkidegoko hainbat eskualdetan: Iruñea, Lizarra, Tafalla, Zangoza eta Tuteran hain zuzen ere. Baina ez dago ikusterik Mendialde osoan. Javier Remirez lehendakariordeak egoeraren laburpena egin du txio sorta honetan, betiere nabarmenduz bere garaian Patxi Lopez eta Miguel Sanz lehendakariek sinaturiko akordio baten bitartez iritsi zela ETB3 Iruñerrira.

Pedro Sanchezen gobernuaren eta EH Bilduren akordioaren aitzinean, Navarra Sumako eta UPNko diputatu Sergio Sayas guztiz aztoraturik azaldu zen atzo Espainiako Kongresuan. ETB3ren bitartez nazionalismoa eraikitzeko burmuinak 'reseteatu’, berrabiarazi nahi dituztela salatu zuen.

Ikusi bideoa hemen: