Nafarroako Gobernuak osasun eremuka zabaltzen dituen behin behineko datuen arabera, atzo 129 positibo atzeman zituzten Nafarroa Garaian.
Nafarroan, COVID 19 kasu kopurua lau astez jarraian igo da. Hamalau egunean pilaturiko intzidentzia metatua Estatuko batez bestekoaren bikoitza da.
Nolanahi ere, Santos Indurain Osasun kontseilariak atzo, 129 positiboak ezagutu aurretik, esan zuen kasu gehiago atzematen ari direla proba gehiago egiten ari direlako, proportzionalki, beste edozein erkidegotan baino gehiagi. Halaber, nabarmendu zuen ospitaleratze kopuruetan ez dela gorakadarik izan, eta hartara ez duela espero Eguberrietara begira murrizketarik ezarri behar izatea.
