Astelehen honetan egindako Funtzio Publikoaren Mahai Orokorrean, ELAk eskatu du Nafarroako Gobernuak eta horren oinarri diren alderdi politikoek "beharrezko pausoak eman ditzatela, hemen eta Madrilen, araugintza-aldaketak bultzatzeko, aparteko sendotze-prozesuak abian jartzea ahalbidetzeko".
Gainera, finkatze-prozesu horiek "administrazio guztietan eta gure herrialdeko sektore publiko osoan egitea" eskatu du, "bermatzaileak, nahitaez bete beharrekoak eta sindikatuekin negoziatu eta adostutakoak, behin-behinekotasunaren gaitza pairatzen duten 15.000 langile baino gehiagori enplegua bermatzeko".
Era berean, "kontratazioan behin-behinekotasuna gehiegikeriaz erabiltzeari amaiera ematera behartzen duten mekanismoak antolatzeko" exijitu du.
ELAk ohar batean adierazi duenez, "beharrezko mobilizazioak bultzatzen jarraituko dute, behin-behinekotasunaren gaitza pairatzen duten Nafarroako sektore publikoko 15.000 langileen benetako sendotze bermatzailea lortu arte".
ELA sindikatuak adierazi duenez, Nafarroako Gobernuak iragarritako 1.160 lanpostuko lan-eskaintza publikoa "erabat eskasa" da, eta exekutiboa “ez dago prest urrats orokor, erreal eta eraginkorrik emateko behin-behinekotasunaren gaitza pairatzen duten sektore publikoko 15.000 langile baino gehiago sendotzeko".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!