Bakartxo Ruiz eta Adolfo Araiz EH Bilduko parlamentariek prentsaurrekoan aurkeztu duten akordioaren arabera, koalizio independentistak aurrekontuei aurkezten zaizkien osoko zuzenketen aurka bozkatuko du eta, abstentzioarekin, kontuak eta neurri fiskalen legea onartzea erraztuko du. Gobernuak 3,4 milioi jarriko ditu EH Bilduk aurkezten dituen zuzenketa partzialak finantzatzeko.
Araizek adierazi du akordio hori Maria Txibiteren inbestidura ahalbidetzean "2019an hasitako bidean beste urrats bat" dela, eta nabarmendu du koalizioak legealdi honetan adostuko duen hirugarren aurrekontua dela, 2015etik zazpigarrena EH Bilduren eraginarekin aurrera ateratzen dena. Zentzu horretan, akordioak, bere edukiaz haratago, "balio politikoa" duela esan du, EH Bilduk "eskuinetik beste alternatiba bat sortzeko aukera deusezteko duen gaitasuna agetrian uzten duelako, baita aurrekontu-politika norabide jakin batean sakontzeko ere”.
