Ibirikuko auto istripua lan heriotza izan dela ohartarazi dute ELA eta LAB sindikatuek

Euskalerria Irratia 2021ko aza. 5a, 13:50
Deskargatu Info Ahotsak :

Argazkia: Nafarroako Suhiltzaileak

61 urteko gizonezko bat zendu zen atzo NA-150 errepidean, Ibirikun, auto istripuan. Agoitzen egiten zuen lan, eta etxera itzultzen ari zen ezbeharra gertatu zenean. 15 pertsona zendu dira beharrean 2021 urtean, Nafarroan.

Ohar bidez egin du ohartarazpena ELA sindikatuak. Salatu duenez, patronalak ez du bere ardura gain hartzen lanarekin lotutako mugikortasunean, eta Nafarroako Gobernuari oroitarazi dio puntu beltzak kendu behar direla lurraldeko errepide saretik.

Lan osasun institutuak berriki egindako balantzeak aitortzen du ez dagoela nahikoa baliabiderik Laneko Osasunaren Ekintza Plana gauzatzeko. Eta egoeraren aurrean, beharrezko neurriak ezartzea galdegin dio gobernuari. 

LAB sindikatuak, berriz, sare sozialetan egin du salaketa. 

Gizartea Nafarroa

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea