Nafarroako Parlamentuan foru erkidegoaren egoeraren inguruko eztabaida egiten ari diren honetan, Maria Txibiteren gobernuaren lanaren inguruko iritzi bilketa egin dugu Metropoli Forala saioan.
Nafarroatik kanpo egoteak ematen duen perspektibarekin mintzatu zaizkigu Geroa Baiko senatari Koldo Martinez eta EH Bilduko diputatu Bel Pozueta.
Gobernuaren barruan egoteak ematen dion ikuspegitik eman digu iritzia Migrazio Politika eta Justizia kontseilari eta Ahal Duguko kide Eduardo Santosek.
Botere exekutiboaren kontrabotere lanean diharduten dindikatuekin ere mintzatu gara. Gurekin izan dira CCOOko Joseba Ezeolaza, ELAko Iñaki Zabaleta eta LABeko Igor Arroyo.
Gobernuari nota jartzeko tenorean, eskuzabalena Koldo Martinez izan da, 7,5 bat jarri baitio, 0tik 10era. Eduardo Santosek ere nota altua jarri dio: 7. Bel Pozuetak 6 bat jarri dio.
Sindikalistak kritikoagoak izan dira. Joseba Ezeolazak Pozuetaren nota bera hautatu du: 6. Zabaletak eta Arroyok ez dute zenbaki zehatza aipatu nahi izan, baina biok esan dute gobernuak ez duela aztertketa gainditu, 5etik beheiti dagoela haren nota.
