Gizarte eredua eraikitzeko ezinbestekoa da LAB sindikatuarentzat lan arloan eta gizarte babesean erabakitzeko gaitasuna izatea. Autogobernuak lan eta bizi baldintzen gaineko erabakiak hartzeko aukera eman beharko luke haien aburuz, horregatik zentzu horretan lan egiteko borondatea eta konpromisoa eskatu dute.
Nafarroako langileen interesak defendatzeko LABen eskaera eta proposamena erregistratu ditugu Parlamentuan pic.twitter.com/iAOK8Fz4on
— LAB Nafarroa (@LABnafarroa) November 3, 2021
LAB sindikatuaren iritziz, egun, Espainiar estatu mailan funtsezko gaiak eztabaidatzen ari dira Nafarroako langileen lan baldintzei eta bizi-baldintzei dagokienez. Besteak beste lan erreforma eta pentsioen erreforma aipatu dituzte. Nafarroatik eragin nahi du sindikatuak horien gainean.
Bide horretatik garatu dute, langileentzako onuragarriak liratekeen lan kode eta gizarte segurantza baterako oinarriak ezartzen dituen txostena. Parlamentuan erregistratu dute gaur, eta talde parlamentarioekin bilerak eginen dituzte orain edukia azaltzeko.
