Orain arte "autonomo faltsu" gisa aritu dira lanean, eta haien lan baldintzak duintzeko helburuz, enpresa eta langileen arteko harremana kontratu bidez ezartzeko lanak egin ditu CCOO sindikatuak. Prozesuan, baina, Glovo hamalau rider prekarizatzen saiatu dela salatu dute, kontratuetan abusuzko klausulak gehitzen saiatu delako. Esaterako, 2008tik iraungita dagoen lan hitzarmen kolektiboan oinarritu nahi izan dituzte.
Glovo bakarrik ez, hautaketa- eta kontratazio-prozesuaz arduratzen den ABLE aldi baterako laneko enpresa ere erantzule egiten du sindikatuak. Egun bat baino ez zien eman eta langileei kontratua sinatzeko.
Hamalau langilerekin egin ditu negoziazioak enpresak, baina azkenean bederatzik baino ez dute sinatu kontratua Glovorekin, enpresak jarritako trabengatik.