Migrazio prozesuetan diren familiak artatzeko eta laguntzeko esku hartzeko eredu propioa garatu du Sei elkarteak. 21 urteko esperientziaren ondorio da, eta orain izena jarri diote: Eredu ekosistemiko transnazionala.
Hiru fasetan garatzen du elkarteak esku hartzea: harrera, kide izatea eta gizarteratzea. Azken helburua da pertsonak harrera eta ongietorria sentitzea, bai familiaren aldetik, bai harrera-komunitatearen aldetik.
Gaur Tenerifen dira elkarteko bi terapeuta adituen artean garatu dutena azaltzeko. Oso pozik hartu dute elkartean aukeratuak izatea, Nafarroa Europa mailan oso leku onean jarriko du, Zigandaren ustez.
Urteetan egindakoari izena eta balioa emanen dio Familia Terapiari buruzko Espainiako Biltzar Nazionalean parte hartzeak.