Hezkuntzan azpikontratatutako zerbitzuetan hizkuntz irizpideen falta salatu dute Sortzenek eta Behatokiak

Ikastetxe ezberdinetako gurasoek egin dute kexa, Nafarroa osokoak. Beren seme alabak, ikastetxera, D ereduko ikastetxe publikora eramateko erabiltzen den autobus zerbitzuan ez dago euskarazko zaintzailerik.

Haserrea, Sortzen elkartearen bidez, Hizkuntza eskubideen behatokira ailegatu da, eta Nafarroako Gobernuak egiten dituen kanpoko kontratuak berrikusiz etorri da sorpresa, ez dago hizkuntza irizpiderik haietan. Agurne Gaubeka, Behatokiko zuzendaria da.

Horregatik, Sortzenek eta Behatokiak, salaketa jarri dute hezkuntza departamentuan, kanpoko kontratuak, azpikontratuak direnak, horietan ere, hizkuntza irizpideak txertatu daitezen eta bermatu dadin, euskarazko murgiltze ereduan, ikasleek euskaraz aritzerik dutela.