Maiatzean hasi ziren Nafarroako zahar etxeetako sektoreko lehen hitzarmenaren negoziazioak. Proposamen bateratu aurkeztu zieten patronalei ELA, UGT, LAB eta CCOO sindikatuek. Ez dute, ordea, enpresarien aldetik negoziatzeko borondaterik aurkitu; ez eta Nafarroako Gobernuaren aldetik ere.
Datorren asteko ostegunean dute hurrengo bilera, urriaren 14ean. Jarrera aldaketarik atzematen ez badute, presio neurriak iragarri dituzte. Ez dute bat bera ere baztertuko.
Nafarroako 70 zentroetako 4.500 langileentzako lan baldintza duinak ezarri, ratioak handitu eta zerbitzuari kalitatea bermatuko dion hitzarmena nahi dute.
Nafarroako zahar etxeetarako lehen hitzarmena blokeatuta dagoela salatu dute ELA, UGT, LAB eta CCOO sindikatuek. Patronalak eta Nafarroako Gobernuak jarrera aldatu ezean urte bukaerara arte, hiru hilabetez, lanuztea eginen dute sektorean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!