Urriaren 2tik azaroaren 28ra ospatuko da Nafarroako Bertsolari Txapelketa

Euskalerria Irratia 2021ko ira. 13a, 11:59

Urtarrilean zen hastekoa Nafarroako Bertsolari Txapelketa; baina covid-19aren eraginez atzeratu egin zuten, udazkenera.

29 bertsolarik eman dute izena, eta behin aurre-kanporaketak igarota, 24 izango dira Nafar Pirinioetan abiatuko den ibilbidean. Berriak eta eskarmentudunak.

Guztira, lau final-laurden, hiru finalaurreko eta finalak osatuko dute txapelketa. Iruñeko Anaitasunan jokatuko da finala, azaroaren 28an. Tartean Nafarroako zortzi herri zapalduko dituzte, plaza biziberritzeko.

Egitasmoa Nafarroa osora hedatzeko ahaleginean urrats berri bat emango du Nafarroako Bertsozale Elkarteak: Izabak eta Zangozak lehen aldiz jasoko dute txapelketako saio bat. Izabak lehenik, urriaren 2an, txapelketari hasiera emanez.

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!