Hamaika asteko oporraldiaren ondotik, parlamentuko tonua ez da aldatu. Datorren urterako aurrekontuak negoziatzeko gutxi falta den honetan, haren proposamenak kontuan hartzen ez dizkietelakoan, erasokor azaldu da Maria Txibite presidentearen aurrean Javier Esparza Navarra Sumako eleduna. Negoziazioan PSNk duen jarrerari buruz gezurra esatea egotzi dio Esparzak Txibiteri. Antzera erantzun dio Maria Txibitek ere. Navarra Sumaren politika "populistatzat" jo zuen Txibitek, eta koalizio barruan duten ahultasunagatik justifikatu behar direla egotzi zion.
Nafarroako Gobernua bitartean ari da gastu sabaia zein izanen den zehazten. Atzo datorren urterako BPGaren %0,9ko defizit bat hitzartu du Espainiako Gobernuarekin, iaz izan zuenaren antzekoa. Eurotan, gutxi gora behera 190 milioi euroren zuloa egin ahal izango du Nafarroako gobernuak. Nahiz eta hitzartutakoa, berez, ez duen derrigorrez bete beharko.
