Nafarroan 137 COVID-19 kasu berri izan ziren atzo, ostegunarekin, 1.457 proba egin ostean, eta horrek %9,4ko positibo tasa utzidu, Nafarroako Gobernuaren datuen arabera.
Erregistratutako kasuak aurreko egunean baino hamar gutxiago dira, eta duela 7 eguneko 213 kasuen eta duela 14ko 271 kasuen azpitik daude. Intzidentziak ere behera egiten jarraitzen du Foru Erkidegoan; izan ere, aste honetan kutsatutakoen kopurua aurrekoan baino %33 txikiagoa da, oraingoz.
Atzo lau pertsona ospitaleratu zituzten, horietako bat zainketa intentsiboetako unitateetan. Tamalez, bi pertsona hil ziren, 79 eta 89 urteko bi gizon. Nafarroan, 1.212 pertsona hil dira orain arte koronabirusak jota. Ospitaleko okupazioaren ikuspuntutik, atzo 97 pertsona zeuden ospitalean eta horietatik 26 ZIUn.
Txertaketa prozesuari dagokionez, atzo 3.742 txerto jarri zituzten. Nafarroan, 887.622 dosi eman dituzte dagoeneko, eta 442.031 pertsonak dute txertoa osorik.
