Nafarroan langabe kopuruak behera egin zuen urteko bigarren hiruhilekoan: 3.300 langabe gutxiago erregistratu zitzuten, aurreko hiruhilekoarekin alderatuta; %9,2 gutxiago. Foru Erkidegoan, oro har, 32.600 langabe daude. Espainiako Estatistika Institutu Nazionalak argitaratu ditu datuak, Biztanleria Aktiboaren Inkestan.
Azken hamabi hilabeteetan 2.100 langabe gehiago zenbatu dituzte Foru Erkidegoan, %7 gehiago. Nafarroako langabezia tasa %10,3koa da, eta Espainiako Estatuko batez bestekoa, berriz, %15,26koa.
Foru Erkidegoan, 283.700 pertsona daude lanean. Aurreko hiruhilekoan baino 6.000 gehiago dira (%2,16 gehiago), eta duela urtebete baino 12.200 gehiago (%4,48 gehiago). Herrialdeko jarduera tasa %58,47koa da.
Sexuei erreparatuta, enplegua dutenen artean 147.700 gizonak dira, eta 135.900 emakumeak. Gizonen jarduera tasa %62koa da, eta emakumeena, berriz, %55ekoa. Langabetuei dagokienez,17.700 gizonak dira, eta 14.800 emakumeak. Gizonen langabezia tasa %10,7koa da, eta emakumeena, berriz, % 9,8koa.
