“Maricón de mierda”, “gay de mierda”, “te voy a rajar” eta “sé dónde vives”. Horiek izan ziren aurreko asteazkenean La Estellesako hiri-autobusearen 2. linea zihoan pertsona batek jasan behar izan zituenetako batzuk.
Bi pertsona oihuka hasi zitzaizkion, eta salatu zutenez, hiri garraio enpresak ez zuen horien aurrean ezer egin: "Ez zuen inongo ardurarik hartu ezta inongo erantzunik eman ere eraso homofobo horren aurrean".
Zerbitzu publikoak eta kaleak aldarrikatu ditu Lizarrako LGTBIQ+ kolektiboak, eta erasoari erantzuteko protesta antolatu dute. Ostiralean, uztailaren 30ean, 20:00etan, Lizarrako Baja Nabarra kalean manifestazioa eginen dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!