Gauetako etxeratze agindua berreskuratuko du Nafarroak koronabirusaren hedapena mozteko

Koronabirusaren muturreko inzidentzia duten herrietan etxeratze agindua berreskuratuko da ordubatetatik goizeko seietara, kanpoaldeko bilkurak hamar lagunen muga izanen dute eta herrietako bigantxa eta herri bazkariak bertan behera geldituko dira. Honela, Gobernuak, koronabirusaren hedapena moztu nahi du. Asteazkenean sartuko da indarrean neurria.

Azken egunean 622 koronabirus kasu atzeman dira Nafarroan eta gorakada nabarmena izan da ospitale gunean, 10 pertsona ingresatu baitituzte eta dagoeneko 40 dira, ospitaletan koronabirusarekin gaixo daudenak, horietatik 10 Zainketa Intentsiboetako Unitatean. Azken 9 egunetan ez da inor hil gaitzarekin.

Egoera honi aurre egiteko neurri berriak iragarri ditu Maria Txibite presidenteak, datorren asteazkenean, epaitegien oneritzia jaso eta gero, indarrean sartuko direnak.