Uda honetan, ez-festena da kezka sortzen duen faktore nagusia. Carlos Artundo Osasun zuzendari nagusiak eta Juan Carlos Castillo Udalerri eta Kontzejuen Federazioko presidenteak udarari begirako balorazioa egin dute, eta biek ala biek azpimarratu dute ez dela festarik egongo, eta zalantzan jarri dute bigantxen entzierroak antolatzeko aukera.
Artundok adierazi du ez duela "inolako zentzurik" entzierroak antolatzea, nahiz eta COVID-19aren aurkako murrizketen inguruko foru aginduak onartzen dituen, eta Osasun Departamentuaren izenean gomendatu du ez egitea.
Argi utzi du ez dela gauza bera zerbait debekatuta ez egotea, eta hori egin behar izatea. Eta une honetan neurriak ezin direnez bete, "ez du zentzurik" egitea. "Datorren urtean egin ahal izango dira, baina aurten ez ditugu baldintzak".
