Covid-ak eragindako egoera arintzeko nafarroako enpresariei bideratutako hirugarren diru sorta da. Gaizki pasatzen ari direnak lagundu nahi ditu exekutiboak, horregatik, ahaleginarekin jarraitzeko asmoz, ahalik eta herritar gehienengana iritsi nahi izan dute.
Gutxienez %30eko beherakada egiaztatu beharko dute enpresek edota autonomoek laguntzak eskuratzeko. Bi konpromiso hartuko dituzte: jarduera datorren urte ekainaren 30ra arte mantentzea eta dibidendurik ez banatzea. Gobernuaren helburua enpresen kaudimena indartzea eta enpleguari eustea da.
Uztailaren 20ean hasiko da laguntzak eskatzeko epea, eta tramitazioa telematikoa izango da, soilik.