Mugimendu feministako lau kide Nafarroako Parlamentuko leihoetara kateatu ziren, Martxoaren 8an, eta isun proposamena ezarri zieten mozal legean oinarritua. Ekintzaren ondoren protestariei oldartu zitzaien Foruzaingoa, bi zauritu zituzten eta deklaratzera deitu duten emakumea, atxilotu.
Atzoko polizia foralaren jarrera bortitza eta desproportzionala salatu nahi dugu. Gure elkartasun guztia atxilotutako emakumearentzat.
— Iruñerriko Mugimendu Feminista (@IrunerrikoMF) March 9, 2021
Las fuerzas policiales usando la misma actitud violenta de siempre. ¿Dónde está el atentado? ¿Quién utiliza la violencia? pic.twitter.com/vQKPBMe14k
Auzitegitik igaroko den emakumeari elkartasuna azaldu diote, gaur, mugimendua osatzen duten talde guztiek era bateratuan, erasoa guztiei egin zaiela zehaztuz: “Jardun politiko feministaren aurkako eraso hau salatzen dugu, errepresio polizial eta politikoa dena”.
Kateak eraman dituzte berriro parlamentuaren aitzinera, errepresioaren aurrean autodefentsa feminista aldarrikatzeko. Nafarroako Gobernuak premiazko proposamen eta neurriak hartzea eskatzeko egin zuten martxoko ekintza, mugimendu feministaren bilerei uko egin dielako exekutiboak. “Feminismoarekin eta bizitza duinarekin duten konpromisoa benetakoa bada, ez dugu ulertzen zergatik presidenteak eta bere gobernuak ez duen bere komunitateko mugimendu feministarekin bildu nahi”, argitu dute.
Azken gertakariak gaitzesteko ekainaren 30ean elkarretaratzea eginen dute , Nafarroako Justizia Auzitegiaren aurrean, 9:30ean.