Testua sinatu duten batzordeen artean daude Xilema, Kasedako zaharren egoitza, Tasubinsa, Elkarkide edota San Fermin Ikastolakoak. Azken hilabeteetan espetxe politikan egindako aldaketen garrantzia aitortu dute, eta itxaropena dakarren pausu bat dela adierazi dute. Garrantzitsutzat jo dute, gainera, aldaketa horretan lagundu duten gehiengo sozial eta politikoak nabarmentzea, ahurrera egiten jarraitzeko beharrezkoak direlako.
Prozesu horretan aurrera egiteko, espetxe politikaren arloko eskumenak dituzten agintariei lau eskaera egin dizkiete.
Zehazki, eskatu dute euskal presoen hurbilketa prozesua burutzea, guztiak gizarte eta familia ingurunetik hurbilen dauden espetxeetan egon daitezen; euskal preso guztiei salbuespenean oinarrituta ez dagoen espetxe politika bat ezartzea, adin nagusikoak eta eritasun larriak dituztenak lehenbailen askatzea, eta pandemiari lotuta hartu diren neurriak moldatzea, nazioarteko erakundeen gomendioak betetzeko.
Sarek uztailaren 3an egingo duen mobilizazioan bat egiteko deia ere egin dute. Arratsaldeko 18:00etan izango da mobilizazioa, Ziudadelan, Ibilian-ibilian etxerako bidean lelopean.