Nafarroak 42 COVID-19 kasu positibo berri erregistratu ditu astelehen honetan, guztira 1.747 proba egin ostean, PCR eta antigenoen testen artean, eta horrek %2,4ko positibo utzi du, Nafarroako Gobernuaren behin-behineko datuen arabera.
Joan den uztailaren erditik izan diren egun bakarreko daturik onenak dira. Igandean baino hiru kasu gehiago dira, duela astebete baino 25 gutxiago (65 izan ziren) eta duela hamalau egun baino hamabi gutxiago (53 izan ziren). Foru Erkidegoak alerta maila ertainean jarraitzen du, eta positiboen beheranzko joerari eusten dio.
Atzo Iruñeko Sanduzelai auzoa eta Tutera ekialdea izan dira kasu gehien erregistratu dituzten udalerri eta osasun eremuen zerrendan lehenengo postuan, hiruna kasurekin. Ondoren daude Zizur Nagusia, Corella, Lakuntza, Arrotxapea, Txantrea, Arrosadia, Donibane eta Tafalla, binarekin. Iruñeak hamabost positibo izan ditu, orotara.
40 pertsona ospitaleratuta daude, gaitzarekin; horietatik hamabi kritikoen unitateetan daude, eta beste bi etxeko ospitaleratzean.
Azken astean Foru Erkidegoan erregistratutako kasuei dagokienez, astelehenean 65 izan ziren (%3,2), 88 asteartean (%3,8), 67 asteazkenean (%3,1), 58 ostegunean (%3,3), 72 ostiralean (%4,1), 37 larunbatean (%3,4) eta 39 igandean (%4,6).
Txertaketa-prozesuari dagokionez, atzo 6.247 dosi jarri zituzten. Gauzak horrela, Nafarroan 452.994 txerto inokulatu dira eta 173.711 pertsonak osatu dute txertoa jartzeko jarraibidea.
