Navarra Sumaren testuak proposatzen zuen parlamentuak defendatzea Nafarroak LORAFNAn jasotako osasun arloko eskumenak erabat gauzatzea; eta ekainaren 2ko Lurralde arteko Kontseiluaren erabakia baztertzea, birusen aurkako jarduera koordinatuen nahitaezko izaera jasotzen zuena.
Javier Esparzaren arabera, iragan asteko lurralde arteko batzordeko erabakiekin, Nafarroaren eskumenak zapaltzen ari dira.
Ez da eztabaidarako aukerarik izan, PSNk proposamena baztertu duelako. Ramon Alzorriz bozeramailearen arabera, gai honen helburua da talka sortzea da, eta autogobernua akordioekin defendatu behar dela azpimarratu du.
Gainerako alderdietako batzuk, ordea, eskuineko koalizioaren adierazpenaren alde agertu dira.
Geroa Baik autogobernuaren defentsan aurrera egin behar dela uste du, eta Nafarroak bere errealitatetik abiatuta hartu behar dituela erabakiak, kasu honetan, osasun arlokoak; baina hala ere, aukera izan balu, seguruenik testuaren aurka bozkatuko zukeen, “inkoherentetzat” jotzen duelako Navarra Sumak testu hau ekartzea.
EH Bilduk ere uste du osasun eskumenak defendatzea autogobernua defendatzea dela, eta iragan asteko lurralde arteko batzordeko erabakiekin “foralidadea” erasotu dutela.
Ezkerrak adierazi du Nafarroaren autonomia kasu honetan erabiltzea herritarren osasuna babesteko, baina ez zutela argi ikusten Navarra Sumaren helburua.