Nafarroa Berriz Altxa herri ekinbidea apirilean aurkeztu zuten, 1521eko herri altxamenduen eta Noaingo eta Amaiurko guduen 500. urtemuga amutzat hartuta, Nafarroak "burujabetza berreskuratzeko beharra" duela aldarrikatzeko.
Letra
Noain
Amets hura amaitzean
azken hatsa geratu zen han.
Armarri ta ezpata, irrintzi dantza,
herri baten esperantza
odol artean galduta.
Gure seme-alabek ez dezaten esan
guregatik orain
galdu dugula Noain.
Jausitako aberrian
jaiki dadin ausardia.
Amaitu da dolua, sentimendua
ez bedi izan zapaldua
altxa behar da burua.
Gure seme-alaben irribarrea
izango da mendekua.
Heldu zaigu ordua!
Ahanzturaren lurrak irauli nahi eta ezin.
Arbasoen senaren legez berriz ekin.
Haiengatik, sortu edo hil.
Deika dugu geroa,
altxatu Nafarroa!
altxatu Nafarroa!