Aste honetako kopururik altuena erregistratu da. Asteazkenean baino hamabi kutsatze gehiago dira (60 izan ziren), asteartean baino bat gehiago (71) eta astelehenean baino 23 gehiago (49). Prespektiba handituta, baina, duela hamalau eguneko datuek alderatuta azken kopurura, kasuek behera egin dute. 125 kasu atzeman ziren, atzo baino 53 gehiago.
Txantrea auzo iruindarrean erregistratu dira kasu gehien azken egunean: sei. Tafalla eta Noain dira bigarren zerrendan, bosna kasurekin.
Azken datu ofizialen arabera, ospitaleetako okupazioari dagokionez, 90 gaixo daude COVID-19agatik ospitale-sareko zentroetan, aurreko egunean baino hiru gutxiago. Asteazkenean koronabirusarekin lotutako hiru ospitaleratze izan ziren, horietako bat ere ez zen ZIUn izan, eta ez zen gaixotasunaren ondorioz inor hil. Atzoko datuen zain, hiru egun kateatu ditu Nafarroak koronabirusagatiko heriotzarik erregistratu gabe.
Txertatzea
Atzo 5.616 dosi jarri zituzten Nafarroan. Emandako dosiak, guztira 354.815 izan dira eta txertaketa osoa duten pertsonak 121.881 dira.
