Nafarroak gaur eguneratuko ditu neurri muriztaileak, eta zenbait neurri malgutuko ditu foru agindu berrian; izan ere, Nafarroako bataz besteko arrisku maila jaitsi ostean. Berrikuntza nagusia elkarte gastronomikoen eta peñen irekiera izango da; 220 egun geroago irekiko dituzte berriro, urriaren 13tik itxita egon ostean, eta %30eko edukiera izango dute.
Murrizketak malgutzen dituen arau berri honen ondoren, lokal mota bakarra geratuko da itxita: etxabeak. Horiek izango dira irekiko diren azken lokalak, Osasun Departamentuak zuhur jokatu nahi baitu horiei dagokienez; izan ere, gazteen artean ohikoak dira bilerak horietan, eta, agintarien arabera, "oso zaila" da horiek kontrolatzea.
Muturreko arrisku mailatik jaisteak beste egoera bat irekitzen du ostalaritzarentzat, eta, koadro horren arabera, barnealdeetan %50era arteko edukiera izan beharko luke. Hala ere, etxeratze agindua amaitu ondoren, 22:00etan terrazen itxiera bertan behera uztea erabaki du Nafarroako Justizia Auzitegi Nagusiak, eta baliteke ordutegia malgutzea.