Nafarroak jaso dituen txertoen %99tik gora jarri dira dagoeneko. Atzo 3.300 dositik gora izan ziren. Hala, 16 urtetik gorako ia bost nafarretik batek du txertoa osoki jarria. 108.823 dira zehazki.
Une honetan, 55 eta 59 urte artekoen txertatzea ari da egiten osasun departamentua. Eta 60 urtetik gorakoena, berriz, burutzen. Gutxi dira azken adin tarte honetan oraindik dosirik jaso ez dutenak, baina, departamentutik dei berezia egin diete txertoa jarri dezaten. Osasun sistemarekin harremanetan jarri behar dute hitzordua eskuratzeko.
NUPko kiroldegian eta Maristas ikastetxea izandakoan ariko dira gaur txertoak jartzen hemen Iruñerrian. Unitate mugikor bat, berriz, Iruñeko espetxera joanen da gaur bertan preso dauden 290 pertsonei txertoa jartzeko. Jenssen-ek egindakoa jasoko dute, beraz, gaur jarriko dieten dosiarekin beteta izanen dute immunizazioa.
