Nafarroan 75 kasu berri izan ziren maiatzaren 10ean, Osasun Departamentuaren behin-behineko datuen arabera, 2.556 PCR proba eta antigenoen testa egin ostean, eta horrek %2,9ko positibo tasa utzi zuen, martxoaren 12tik izandako txikiena. Aurreko astelehenean baino 122 kasu gutxiago dira, eta duela 14 egun baino 130 gutxiago.
135pertsona daude ospitaleratuta birusarekin; horietatik 26 ZIUan daude. Azken orduetan ez da heriotzarik gertatu.
Azagra izan da udalerri eta osasun eremuen araberako eguneroko zerrendaren buru, 6 kasurekin. Ondoren, Arrosadia eta Azkoien daude, bostna kasurekin; Caparroso, Etxarri-Aranatz eta Marcilla, hirunarekin; eta Elizondo, Narbarte, Buñuel, Zizur, Sarriguren, Noain, Urtasun, Funes, Fustiñana eta Huarte, bainarekin. Iruñeak 18 pilatu zituen guztira.
Azagra izan da udalerri eta osasun eremuen araberako eguneroko zerrendaren buru, 6 kasurekin. Ondoren, Arrosadia eta Azkoien daude, bostna kasurekin; Caparroso, Etxarri-Aranatz eta Marcilla, hirunarekin; eta Elizondo, Narbarte, Buñuel, Zizur, Sarriguren, Noain, Urtasun, Funes, Fustiñana eta Huarte, bainarekin. Iruñeak 18 pilatu zituen guztira.
Badirudi koronabirusaren laugarren olatua amaierara iristen ari dela, hainbat neurri altxatu diren astean, alarma egoera amaitu ondoren. Bilakaera epidemiologikoari eta ospitaleko tentsioari buruzko datu guztiak nabarmen murriztu dira azkenaldian, eta azken hilabetean astez aste ikusten zen hobekuntza txikia sendotuz doa.
Olatu honek, beraz, aurrekoak baino askoz motelago egin du behera, Britainia Handiko anduiak eraginda, neurri handi batean, baina kontrolpean dagoela esan daiteke.
