2019ko maiatzean gertatu zen dena. Modou Khadim, Ribaforadako bizilagunak, udaletxera joateko abisua jaso zuen, erroldan zegoen arazo tekniko bat konpontzeko argudioarekin. Bainan Khadim udaletxeko bulegoetara iritsi zenean, Espainiako Polizia zuen zain, baimenik eta paperik ez zuela eta, estatutik kanporatzeko aginduarekin. Atxilotuta eraman zuten komisaldegira eta handik zuzenean Senegalera eraman zuen hegazkin batean sartu zuten, bere senitarteko eta lagunak ohartarazteko denborarik gabe.Une horretan PSNko Jose Maria Rodriguez zen herriko alkatea, poliziarekin kolaboratzeko egin zuela esan zuen.
Datuen Babeserako Espainiako Erakundeak adierazi duenez, Rodriguezen udalak, bizilagunek datuak modu ez-zintzoan erabili zituen eta leialtasun premisetatik haratago. "Leialtasunak esan nahi du datu pertsonalak maneiatu behar dituela soilik pertsonek datu horiek zentzuz erabiltzea espero dezaten, itxaropen komun batzuk izateko, eta ez modu desegokian edo desbideratuta erabiltzeko, edo datu horietan ondorio kaltegarri bidegabeak izateko" dio erakunde honek.
Egun Jose Maria Rodriguez, Maria Txibiteren gobernuko kidea da, tokiko administrazioko zuzendaria baita.