Gazteen egoera iraultzeko, eraldaketa soziala eta burujabetza behar direla aldarrikatzeko manifestazioa eginen du bihar Ernaik. 18:00etan hasiko da Iruñeko San Frantzisko plazan.
Koronabirusak eragindako krisiak gazteek pairatzen dituzten arazoak azaleratu ditu Ane Alaba Ernaiko bozeramaileak Euskalerria Irratian azaldu duenez. "Larrialdi" egoera da bizi dutena, ohartarazi du. 16.196 gazte langabe daude Hego Euskal Herrian, emantzipatzeko batez besteko adina 30 urtekoa da, ikasketetarako arazoak dituzte eta osasun mentala gero eta okerragoa da gazteen artean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.