Nafarroako Osasun Publikoko eta Lan Osasuneko Institutuak (ISPLN) emandako datuen arabera, atzo 181 kasu positibo atzeman zituzten COVID-19agatik, osasun sistema publikoan 2.814 proba (1.736 PCR proba eta 1.078 antigeno test) egin ostean. Positibotasun tasa %6,4koa izan zen.
Bestalde, atzo 204 gaixo zeuden COVID-19agatik Foru Erkidegoko ospitale-sareko zentroetan, horietako 40 ZIU postuetan. Atzo zortzi pertsona ospitaleratu zituzten, horietako bi ZIUn, eta 73 urteko gizonezko bat hil zen. Nafarroan, guztira, 1.163 heriotza baieztatu dira.
Kutsatze berriei dagokienez, zonaldeka, Iruñean eta bere eskualdean kasu positiboen %66 erregistratu ziren, Tuteran %8 eta Lizarran %6. Gainerako positiboak (%20) Nafarroako beste eremu batzuetan banatzen dira.
Txertaketa-prozesuari dagokionez, atzo 6.770 dosi eman ziren, hau da, 234.186 txerto eman dira Nafarroan orain arte jasotako 252.845 dosietatik. Gaur goizean 1.800 Janssen dosi jaso dira. Orain arte, 67.962 lagunek hartu dute txertoa osoki.
